The Big Picture

Се селам на црнаовца.мк

2008-12-18T23:53:00.005+01:00

Кога го креирав блогов најпрво се обидов на македонската платформа blog.com.mk. Како неискусен блогер-во-зародиш не успеав, па не се мислев многу и се упатив кон blogger.com.

Тука функционирав од 17 јули. Среќен сум што креирав блог и сметам дека користа од овој вид на размена на идеи и ставови, критики и самокритики е бесценета.

Денес се селам на црнаовца.мк. Тоа е тазе креиран блог агрегатор кој собира содржини објавени на неколку блогови под истиот домејн. Блоговите на црнаова.мк се хостирани на Wordpress.

Креирањето на оваа мрежа на блогови наиде на остри коментари, особено од корисниците на blog.com.mk. Нив сега нема да ги коментиран, заинтересираните нека кликнат тука.

Се селам на црнаовца.мк бидејќи ценам домашна активност која подразбира развој на македонската блогосфера и ценам квалитетен блогерај, каков што нуди црнаовца.мк.

Овој блог ќе биде заклучен, а сите негови постови се префрлени на http://golemataslika.crnaovca.mk/.

Дизајнот на новиот блог сеуште не е финален, работиме со него заедно со Бела маичка.

Ви благодарам за вашите посети и коментари.

Го бараат ли невозможното?

2008-12-16T19:52:00.003+01:00

Видео осврт на претходниот пост:

Се разбранува студентската мисла

2008-12-16T01:49:00.002+01:00

Слободна студентска мисла, настанот кој го највив пред неколку дена се случи и резултираше со 9 говорници, 100тина посетители, силни аргументации, гласни говори, воодушевена публика.
Очигледно е дека постои критичка маса и дека истата треба да биде поддржана.

А поддршката е неминовна кога акцијата се гради со верба, ентузијазам и чистина. На блогот на организаторите веќе се пишуваат впечатоци, поддршки, критики. Поддржуваат и медиумите и блогерите и колумнистите.

Студио 2 на А2 реализираше одличен прилог. Доволно кажува, па нема потрева подетално да раскажувам како поминал настанот.

Фили Петровски посвети колумна инспирирана од Слободната студентска мисла.

Во перидов кога очигледно се бранува студентската мисла, се случува уште еден обид за мотивација на студентите - блиц протест за студентски глас пред УКИМ. Протест против замолчувањето на стидентите, против гасењето на студентските медиуми, против монополскот пристап во студентското организирање. Кузевски објави повеќе за протестот.

Ен два три - Ен два - Ен два...

2008-12-13T01:23:00.009+01:00

Скопски саем, 12.12.2008
Прогресивна,но и препознатлива музика.
Ритам, клавијатури, бас, соло, ритам машина, тапани, зурли, вокали...
Сашо Гигов Гиш, Владо Јаневски, Сузана Спасовска, Сергеј Трифуновиќ, Хор Хераклеја...
Леб и сол.

Фотографии од Ангел Ангеловски и Надица Манева:

Грчката младина против системот

2008-12-09T09:53:00.002+01:00

Прелеана чаша, бес, лутина, отпор, насилство, толпа, ескалација... Ова се случува во Атина како резултат на бруталноста на грчката полиција при која беше убиен еден млад човек.
Но, прашањето е од каде е вистинскиот револт. Ценејќи според однесувањето на младите кои секојдневно се поагресивни на улица, изгледа како да се револтирани од се што им се наметнува како авторитет, од се што е репрезент на нивните предци, а го сметаат за погрешно.

Ситуацијата е излезена од контрола, не постои централна организација на протестите, идеолошката матрица се шири на интернет и не постојат барања за сметка на чие исполнување протестите би запреле. Впрочем нема ни со кого да се преговара, ни за што да се преговара.
Ова е, едноставно, излив на бес против веројатно погрешно поставениот грчки систем.
Можно ли е токму младите од Грција да се спротистават и на грчката политичка агресија врз Македонија?

Герила маркетинг - белешки

2008-12-06T17:36:00.007+01:00

На 28ми ноември се одржа едукација на тема Герила маркетинг, реализирана од таткото на оваа "креативна индустрија", Jay C. Lеvinson.

Иако клучната идеја на герилата е промоција и маркетинг преку вложување на време, енергија, иновација и информации, сепак најавата на овој настан пред се подразбираше влог на финансии за изработка на ТВ спот, закуп на медумски простор, билборди и принтови во весници. Значи, [не]герила во најава на герила.

Беше една од ретките презентации каде едукацијата е заснована исклучиво на говор и на суштината на она што се говори. Значи, без PowerPoint поддшка, без слики и видеа, без графики, без визуелни ефекти. Огромна сцена, статична позадина и професионален говорник кој те тера да го гледаш во уста и да размислуваш за она што го презентира. Резултатот не може да биде измерен, бидејќи е индивидуален и различен кај секој слушател и зависи од неговата следна проактивност иницирана од оваа едукација.

Поддржувајќи ја иделогијата за споделување информации "for free" еве дел од белешките кои ги уловив на оваа едукација.

What is Guerrilla Marketing?
It is art of getting people to change their minds.

Guerrilla Vs. Traditional
Smart work Vs. Hard work
You don`t have to invest money. All you need is to invest: TIME, ENERGY, IMAGINATION and INFORMATION
Guerrilla is mostly for small businesses
Traditional Marketing = Experiences & Judgment
Guerrilla Marketing = Psychology & Conciseness

Basics of Guerrilla
Keep and maintain your focus to your main idea
Every one of your costumers is a center of network
The Power of follow up [try to do anything to reserve your costumer`s contacts and to care about regular communication with them]
Look for cooperation in your surroundings and communities. Do not look for competitions.
Traditional = talking about ME [wrong]
Guerrilla = talking about YOU [correct] – people want to listen about solutions for their problems, so we mast talk to them and about them. Not about us.
Give information for free. GIVE, not TAKE.
Marketing combinations work! [PR, online, advertising]
Count your relationships [contacts]
Be close with technology. Guerrilla needs technology.
Send messages to individuals. Try to contact each person of your target individually.

Guerrilla needs NEROCASTING instead of broadcasting. Nerocasting is focused on a certain small target.
[Why nerocasting? Because 4% of your target will buy your product. Other 4% want to be informed. 92% percent don’t care. Focus on the first 8%.]

Use MEMEs, not logos.
MEME is an interaction with signals and interaction. Typical example of a MEME is the hitch-hiking MEME that goes right to the point and always ends with result. The traffic signs are also MEMEs.
Tell the people about the values of your products, not the price.

Use public speaking – think about your topic, not the audience [иако моето искуство од јавно говорење ми вели дека темата и публиката се подеднакво важни. Имајте најдобри аргументи и најдобро истражување, но тоа нема да биде доволно доколку етички не се поставите кон публиката, доколку не и се насмеете, доколку не обезбедите интеракција за неа.]
Tell stories, people like stories.

Web in 8 steps
The success of the web can be guaranteed only if all 8 steps are implemented. Not 7 steps, not 6 steps.
• Planning [why do you need your web site]
• Content [what will you out on your web site]
• Design [each visitor stays 3-5 seconds and after that decides if he/she will stay longer. It depends of the design]
• Involvement & Interaction [sign up, contest, forum]
• Production [use free software in order not to spend money]
• Follow Up [contact your visitors]
• Promotion [both, online and offline]
• Maintenance [refresh, new, update]
Messages [sending, penetration, success]
Each message has to penetrate at least 9 times to a persons` mind to move him/her from apathy to action
1 penetration = 3 sending [2 of 3 sent messages do not hit the target]
9 penetrations = 27 sending = success

1st penetration – nothing happens
2nd penetration – nothing happens
3rd penetration – they know about you
4th penetration – they ask friends about you
5th penetration – they are following you… maybe they will buy
6th penetration – they start to think about buying
7th penetration – they are before decision to buy
8th penetration - they are before decision to buy
9th penetration – they will buy for sure… they treat you as a friend

Guerrilla Marketing Strategy in 10 steps
• Research [community, market, target]
• Write benefits list
• Choose your communication weapons [order them by priority]
• Create a marketing plan
• Make guerrilla calendar
• Fusion marketing partners
• Launch slow
• Maintain the attack
• Keep in track
• Use new knowledge [improve your attack]

Здраво црнаовца.мк

2008-12-04T00:41:00.004+01:00

Деновиве, особено актуелен е новиот мрежен RSS feed кој здружува неколку блогови на истакнати креатори на е-содржини од Македонија, а се вика Црна овца.
Имено, неколку активни блогери одлучија да ги здружат своите постови и да креираат нова македонска блог платформа, различна од blog.com.mk и blogspot.com.

Иако идејата и нејзината реализација се вредни сами по себе, особено поради тоа што се темел за развојот на блогерајството кај нас, сепак овие ентузијасти се соочија со сериозни критики и претенциозни квалификации дека се изолатори.

Наместо да се почитува трудот кој се вложил во развивање на платформата и да се прават напори за развивање и поддршка на истата, извесни емиционални дечки и девојки од blog.com.mk сe трудат по секоја цена да прикажат дека сите оние кои имаа свој блог домејн на crnaovca.mk во суштина се предавници и тенденциозни самоизолатори.

Не луѓе, да се биде блогер и да се занимава со блогерајство значи да се креира сопствена содржина и да се овозможува на останатите да ја надополнуваат вашата содржина на интернет. Се што е против развојот на нови платформи и креирање монопол врз постоечките може да се третира како анти-блогерајство и не-почитување на слободата на здружување и слободата на изразување.

Оние кои нема да ја разберат поентата на проблемов, силно ги повикувам да ги посетат блог-авторите на црнаовца.мк и да оценат дали реализираат нешто погрешно:
http://ztvk.crnaovca.mk/
http://bugariska.crnaovca.mk/
http://kvadraturanakrugot.crnaovca.mk/
http://sead93.crnaovca.mk/
http://femgerila.crnaovca.mk/

За крај,
срамно е blog.com.mk да бара свој монопол во блогосферата во Македонија. Во исто време, Blogger не го прави тоа, а особено е развиен кај нас... еве и јас користам Blogger па не ми смета црнаовца.мк.

Слободна студентска мисла

2008-12-02T22:30:00.002+01:00

Како поддржувач и борец за идејата за слободно размислување и изразување, како и за сонот за неконвенционална, силна и активна младина во Република Македонија не можам да не поддржам и да не известам за еден настан кој е еден од ретките обиди за спротиставување на конуњарското клише наречено "Ораторска вечер на Правен факултет", како и обид за понуда на нов концепт. Концепт отворен по својата суштина и отворен за сите заинтересирани.

Имено, група студенти од Правниот факултет ме известија за нивниот настан и ме замолија да помогнам во промоцијата на нивната вредна активност, па со здоволство прифатив. Не заради тоа што лично ги познавам и верувам во нивните организациски капацитети, туку поради тоа што одлучиле, за прв пат во Република Македонија, да создадат простор и време за слободни студентски говори, говори без цензура, говори во кои секој може да учествува без разлика од кој факултет доаѓа.

Дечките најпрво се обиделе да земат учество на традиционалната Ораторска вечер на Правен факултет, но биле оневозможени од следниве причини:
- Биле одбиени да учествуваат од професорското жири со образложение дека немаат искуство во говорништвото, иако повеќето од нив се неколкукратни победници на национални и меѓународни дебатни турнир. Замислете, дебатери без говорничко искуство?!
- Ораторската вечер се збогатила со ново руво, руво кое носи нови правила за нов концепт. За нив [професорското жири] тоа бил нов концепт, иако одговара на едно време кога луѓе гинеле по затвори само заради тоа што размислувале различно од естаблишментот на Комунистичката партија. Имено, концептот подразбира однапред подготовени ораторски говори на точно определени теми, говори кои мора да се прегледани и одобрени од жирито. Тоа не е се. Концептот на оваа диктаторска вечер подразбира и дебата на која професорите ќе им поделеле материјали на квази-дебатерите и од напред ќе се знаело кој што ќе зборува. Немале време, па морале да ја "наместат" дебатата.

Нејсе, не би трошел повеќе време на објаснување на вакви шминкерски концепти каде основната придобивка ќе биде стекнувањето актерски способности на говорниците кои ќе се појават таму. Ги жалам тие студенти кои се сложиле да говорат и да презентираат аргументи кои некој друг ќе им ги креира или одобри.

Цела среќа што дечкиве кои се револтирале од оваа комуњара решиле да направат нешто алтернативно, нешто што ќе понуди спротивни, но вистински вредности за развој на слободната студентска мисла.

На 11ти декември 2008, во 19:00 часот, во библиотеката Браќа Миладиновци, ќе се случат студентски говори, за кои не знаеме какви аргументи ќе понудат и на која тема ќе се осврнат, но сигурни сме дека:
- ќе бидат креирани и презентирани од левичари, десничари, христијан-демократи, либерали, обоени, независни и други категории на студенти.
- ќе критикуваат или поддржуваат идеи, ставови, влади, опозиции, системи, концепти.
- ќе бидат слободни, нема да бидат подложни на цензура и нема да бидат органичени во никаква смисла, дури ни во смисла на времетраење.
- можноста за говор ќе ја имаат сите студенти од сите факултети во Република Македонија

Концептот Слободна студентска мисла го доби својот простор и во блогосферата, па доколку сте мотивирани за негова поддршка или критика упатете се до него.

А доколку сте студент од било кој факултет, вашите аргументи организирајте ги во говор и пријавете се на овој настан. Верувајте нема да ве одбијат: studentskigovori@gmail.com

Честитам за идејата и се гледаме на 11ти, за да ја искусиме слободата, без разлика дали до сега сме ја уживале или не.

Големата географска слика

2008-11-24T12:05:00.003+01:00

Ова 23-месечно девојче(Лили)целосно ја има во глава големата географска слика.
Што ли ќе знае кога ќе има 23 години?

Better PR

2008-11-22T20:29:00.001+01:00

Кратко, едноставно и јасно:)

Повторно е активен ADlog на komunikacii.net

2008-11-21T01:15:00.003+01:00

Станува збор за реактивирање на подсекцијата на komunikacii.net посветена на презентирање локални и регионални адвертајзинг и ПР активности, а со цел развивање на локалната креативност.
На покана на Дарко, со задоволство ќе се вклучам во полнење со содржини на ADlog. Посетете го и споделете ги рекламите за кои сметате дека заслужуваат да се најдат таму.
http://komunikacii.net/adlog

Buy Nothing Day

2008-11-17T10:43:00.003+01:00

Можеби 29ти ноември за некогo буди носталгија, емоции и ЕксЈУ-изам, но тука, овој датум го промовирам за друг повод, а благодарение на Бранка.

Buy Nothing Day - е најголемиот 24 часовен мораториум против конзумеризмот. Низ целиот свет луѓето ќе направат пакт со кој ќе земат еднодневна пауза од шопингот како личен експеримент или пак како јавен став. Најдоброто нешто во врска со целата работа е фактот што е бесплатно.
За повеќе информации - тука.

Европските комуникации масовно се селат на интернет

2008-11-15T13:01:00.004+01:00

Трендот на професионално комуницирање кое се повеќе се развива во Европа иницира чести истражувања во областа комуникации со цел да се осознаат моменталните, но и да се предвидат следните стратегии и канали при организациското и корпоративното комуницирање.
Деновиве се креираше извештајот од најновото комуникациско истражување на европско ниво [European Communication Monitor 2008. Trends in Communication Management an d Public Relations - Results and Implications], спроведено од Euprera/University of Leipzig.
Во истражувањето, своето мислење го дадоа 1500 ПР професионалци од 37 држави во Европа, меѓу кои и Македонија.

Истражувањето ќе биде објавено на 27ми ноември 2008 година, на следнава веб страна:
http://www.communicationmonitor.eu/

До тогаш, можете да погледнете еден график од него, кој јасно отсликува во која насока ќе се развиваат комуникациските канали на европско ниво. Графикот покажува дека во 2011 година употребата на печатените медиуми ќе падне за 24,5%, а оналјн медиумите и социјалните алатки ќе бидат поупотребувани за 26.2%.

Владини тестимониали

2008-11-07T01:17:00.003+01:00

На ТВ се појавија владини тестимониали.
Тоа се оние спотови на кои се појавуваат разни дечки, чичковци и баби и зборуваат за активностите на Владата на Република Македонија. Еден ја фали за спортските сали, друг за тоа што бизнисот му процветал, а трет зошто пензијата му се покачила. Дури и Борис Трајанов ја испофали Владата, јасно потенцирајќи ја неговата улога во акцијата "Ден на дрвото".
И се тоа убаво објаснето во ТВ материјал, во повеќе спотови. На крај, стои потпис "24/7 посветено... остваруваме".

Сакам да ја нотирам новата алатка за саморекламирање на владата. Да саморекламирање, да на Владата.

Саморекламирање е бидејќи "тестимониал" е класична адвертајзинг алатка која кај нас и тоа како успешно функционира. По дефиниција, "тестимониал" e писмена или вербална изјава на јавна личност, или граѓанин, во која јасно се препорачуваат вредностите на одреден производ или услуга.
На Владата е сигурно, бидејќи на крај на секој спот стои потписот "остваруваме", општо познат потпис/слоган на Владата.

Уште само да констатираме со чии пари се реализира кампањата. Се надевам дека се пари на партиите од власта, зошто би било бизарно да се пари на граѓаните. Самиот Груевски на последното соочување со медиумите посочи дека не трошеле буџетски пари за рекламирање, туку за едуцирање, информирање на граѓаните.
Ова не е ни едуцирање, ни информирање. Ова е класичен адвертајзинг.

Нашата Влада не е ни прозвод, ни услуга, но сепак одлучи да се рекламира себеси како да е највкусното чоколадо, како да е најевтиниот мобилен оператор, како да е најдобриот прашок за перење, како да е пиљара која работи 24/7, како да е последната модна линија на Victoria Secret.

За да стане појасно, еве еден типичен пример на користење тестимониал, кој совршено одговара на дефиницијата за оваа алатка, а богами одговара и на концептот на послените ТВ спотови "24/7 посветено".

Оbama/МcCain

2008-11-04T00:47:00.001+01:00

Facebook статистики

2008-11-04T00:02:00.005+01:00

Што е facebook? Манија, потреба или револуција ?

Оваа интернет друштвена алатка забележува неверојатен подем, а во моментов официјалните статистики велат:

Генерален раст
Повеќе од 120 милиони активни корисници
Facebook е четвртата најфреквентна веб страна во светот (извор: comSCORE)
Facebook е најпосетуваната друштвена веб страна во светот (извор: comSCORE)

User Demographics
Over 55,000 regional, work-related, collegiate, and high school networks
More than half of Facebook users are outside of college
The fastest growing demographic is those 25 years old and older
Maintain 85 percent market share of 4-year U.S. universities
International Growth
Our Translation Application is first step for us in helping users all over the world connect and share information with those that matter the most to them – wherever they live and in whatever language they choose
In a little over five months, we have released the site in more than 20 languages, including Spanish, French, German, Russian and Korean. Our goal is to offer Facebook in as many languages as possible, as quickly as possible.

Да бидеш на Кеј, а да не можеш да го видиш Вардар

2008-11-02T17:06:00.013+01:00

Изминативе недели се вршат раскопувања на Кеј, во делот меѓу плоштадот, стоковната куќа и коритото на Вардар. Се гради деловен центар на парцела од 1,100 м2. Онаа парцела што во 2004-та, тогашниот министер за транспорт и врски, Агрон Буџаку, ја продаде за 25 евра од квадрат. Денес, сопственикот е непознат.

Тој дел од плоштадот е раскопан и веќе ограден поради градежните активности. Но, оградена е и цела патека по кејот, се до мостот кај Холидеј Ин. Патеката ќе ја користеле возилата на градежната фирма која го изведува објектот.

Еве како изгледа осакатената локација:
Се движите од плоштад кон Кеј. Одеднаш пред вас се појавуваат прегради кои го означуваат градилиштето. Доколку сакате да се движите кон кафичите, морате да се качите по ризичните монтажни скали и да преминете на патеката.

Тука јасно се гледа дека веќе нема да биде можно да шетате покрај кафичите на Кеј, а да го гледате Вардар. Делот (лево) каде се движат велосипедите ќе биде целосно отстапен на возилата на градежната фирма.

Значи, повторно по расклатените скали, внимателно, правец покрај кафичите, во делот каде погледот кон Вардар е заменет со поглед кон прегради од лим.

Нека ни е честита изградбата на новата 29-метарска зграда на Плоштад.

Линкови за дополнително инфо:
- http://www.utrinski.com.mk/?ItemID=63ECD80AC021C742A73E770920E8CF5A
- http://www.dnevnik.com.mk/?itemID=2BF50CA664F80441B904298414A6A1D9&arc=1

"Виножито" во грчките медиуми

2008-10-31T22:23:00.006+01:00

Во прозорецот подолу проследете го интервјуто на претседателот на Виножито за грчката телевизија "Seven".
Особено е интересно што водителот, со цел да не ги повреди чувствата на Грците, ги моли гледачите кои сметаат дека не треба да го гледаат интервјуто, да не го прават тоа.
Јас ве повикувам да го погледнето интервјуто во целост.

Еве уште:
http://www.youtube.com/watch?v=M1xfja-MiQk&feature=related
http://www.youtube.com/watch?v=G9hc4Go7s24&feature=related
http://www.youtube.com/watch?v=QELOEyuPe_g&feature=related

Берберница "Сојуз на студенти"

2008-10-30T22:40:00.004+01:00

Стрижење студенти за 200 денари.
Секоја година, од 45та наваму.

И пак, по секоја цена, се прави се да се контролираат 40,000 студенти, да се врши диктат од страна на неуставна организација, т.н. Студентски парламент на УКИМ (СПУКМ).

Не, тоа не е нова форма на плуралистичко организирање на студентите, тоа е истиот, стариот, никаквиот Сојуз на студенти, само лажно преименуван во СПУКМ.

Деновиве на facebook и на "За што плаќаш" здружени студенти и нивни поддржувачи агресивно ја критикуваат давачката од 200 денари (членарина за Сојуз), која секој студент на УКИМ мора да ја плати доколку сака да запише наредна година.

Темата е активна неколку години наназад, а кулминираше во 2007ма година, кога 11,000 студенти се потпишаа на петицијата во организација на МОФ и побараа плурализирање на студентскиот систем на организирање и воведување Студентски парламент (не Сојуз од 45та... Парламент, вистински, со различни групи, интереси, идеи и мислења... со гласање и надгласување...)

Аргументацијата и креативните решенија ги имате на
http://za-sto-plakas.blogspot.com и на
http://ww w.facebook.com/group.php?gid=32994493459.

Експериментот на ЦЕРН не е веќе славен

2008-10-29T20:11:00.006+01:00

Се сеќавате на онаа глобална хистерија од пред еден месец? Онаа кога светот се потресе околу почетокот на историскиот експеримент во нуклеарниот истражувачки центар во Женева. Тогаш, на 10ти септември, само се изврши проба со пуштање на еден единствен протон низ цевката. Медимуите отидоа до прогнозирање крај на светот, вечна црна дупка, сериозни оштетувања на планетата Земја...

Експериментот отиде многу подалеку, со емитување на уште повеќе зраци од протони, со уште покомплицирани активности. Во јавноста штама. Одеднаш историскиот експеримент сите го заборавија.

Еве кратки информации околу LHC експериментот кои следеа после медиумскиот шок:
- LHC експериментот напредува (18ти септември)
- Инцидент во блок 3-4 (20ти септември)
- Започна анлизата на милиони гигабајти информации (3ти октомври)
- LHC и официјално е пуштен во употреба (се до 21ви октомври беше проба)

И за крај на почетокот на експериментот, инаугурацијата вклучи и промоција на одличен видео концерт кој го раскажува развојот на овој наш свет на одличен начин. Уживајте во третиот дел, а погледнете ги и првиот и вториот.

Debatepedia

2008-10-19T22:37:00.004+02:00

Верувам дека често сте дошле во ситуација да ви се потребни за и против аргументи по однос на одредена тема. Да речеме дека ве интересира околу што се спори најмногу кога ќе се спомне темата "Проституцијата треба да се легализира", зошто граѓанската непослушност е оправдана или неоправдана, или пак кои се аргументите за и против МекКејн и Обама.

Debatepedia е алатка која ни овозможува истражување на аргументи. Функционира како и Wikipedia, но е специјализирана за обработка и презентација на амирмативни и негативни дебатни случаи по однос на различни теми. Мисијата на Debatepedia е следна:

Debatepedia is a wiki encyclopedia of debates, arguments, and supporting quotations. Its mission is to become "the Wikipedia of debates". It is a place where we can all work together as editors, via the same wiki technology driving Wikipedia, to frame the arguments in public debates that we all need to think through.

Debatepedia е отворена за сите корисници и им овозможува да објавуваат сопствени разработени аргументи на постоечки теми, или пак, да креираат нови теми и со тоа да овозможат останатите да аргументираат.
Debatepedia е проект на Меѓународната едукативна дебатна асоцијација [IDEA].

Еве дел од дебатите Obama Vs. McCain.

Чуда се потребни за Републиканците, а ние се залетавме

2008-10-15T00:41:00.002+02:00

После подолго време на криза со менаџирање на време и недостаток на блог-иницијатива се појави жарче кое по втор пат ми дава полет во пишувањето.

Жарчето е лично Зоран Заев, а размислувањата за оваа тема се од поодамна, односно од времето кога стана јасно дека Републиканците од САД силно не поддржуваат во нашето докажување пред Грците и светот.

Така понесени од поддршката и од тапкањата по рамо што Груевски и Црвенковски ги добија во Букурешт и Загреб од Буш, речиси без размислување и бланко се изјаснуваме дека ние сме, нели, за Републиканците и дека Обама е само црн Демократ кој ќе изгуби како Грчка што губеше порано. Не иронизирам! Напротив и јас го имав ова мислење, но последно време се каам за некои мои јавно изнесени ставови, особено пред луѓе што не се од Македонија.

Свесни ли сме што правиме со јавната поддршка на Републиканците? Свесни ли сме дека на сите можни нивоа навиваме за нив? Граѓаните се за нив (особено Македонците), Владата индиректно им дава огромно значење (Груевски беше лично на нивната конвенција, а Милошоски го прати кај Демократите), а од пред 2 дена и опозицијата, на чело со Заев, јавно се изјасни дека иако нема став по ова прашање и иако се левичари, сепак кога би имал прилика би гласал за Републиканците.

Да речеме дека е логично кога не поддржуваат и ние нив да ги подржиме. Но, тука има една суштинска разлика. Тие се Републиканци од САД и се трудат да владеат со светот, а ние Македонци од Балканот кои се трудат пред светот да го докажат сопствениот идентитет. Тие имаат можност да влијаат врз светската политика, а ние не можеме ни да влијаеме при изборот на новиот претседател на САД.

Ние можеме само да се надеваме дека нема да победат Демократите или дека по евентуалната нивна победа нема да не истепаат по газето и да ги охрабрат нивните миленици - Грците. Па можно ли е после Ирак, после серијата шамари што Буш ги попи околу проширувањето на НАТО и, се разбира, после актуелнава економска криза, да победат Републиканците? Со кој ум се залетуваме? Имаме ли стратегија доколку победат Демократите?

И на крај да се вратам на насловот. Чуда се потребни за да победат Републикаците. Нас ни останува само да веруваме дека чудото ќе се случи, зошто после сериозните излети на јавни поддршки само тоа може да ни биде искра надеж дека и понатаму ќе имаме слична поддршка за името.
Велам слична, бидејќи можеме само да сонуваме за повторно тапкање по рамо како она бушовото. Приказни за мали деца се оние дека политиката на САД немало да се промени после промената на власта. Политиката веќе се менува и кај самите Републиканци (Даниел Фрид ни порача дека последниот предог на Нимиц бил Ок - http://www.a1.com.mk/vesti/default.aspx?vestID=98783), а камо ли кај Демократите за кои јавно се изнесуваме дека не ги сакаме баш.

8те репери, името или сопственото однесување... Што попрво?

2008-09-04T17:01:00.007+02:00

Да ги исполниме 8те репери, да се договориме со Грците, да си го смениме сопственото однесување ... се ова треба да направиме за влез во ЕУ... владата, народот, јас, ти ... ама што попрво, не е едно...

Еве мал придонес кон последниот сегмент (промена на нашето однесување) реализиран од Младинскиот образовен фор ум и New Moment...

Решенијата на интересен начин ја иронизираат македонската снаодливост околу заобиколувањето на законите, со единствена цел да остане по наше, ама демек да биде правно издржано. Е така во ЕУ не може. Или ќе се научиме да ја почитуваме зебрата и да ја најдеме најблиската корпа, или ќе фарбаме улици и ќе постaвуваме корпи на секој чекор.

И да не заборавиме, сето ова мора да го зачиниме со исполнување на 8те репери на ЕУ и се разбира со компромис за името со Грцине. Што попрво ?

Уживајте:

Македонската креативност е победничка

2008-09-03T13:15:00.008+02:00

Од официјалното соопштение на адвертајзинг агенцијата New Moment:

NEW MOMENT ГИ ПОБЕДИ ГИГАНТИТЕ НА

YOUNG & RUBICAM ОД ЦЕНТРАЛНА И ИСТОЧНА ЕВРОПА

Со освоени три златни, две сребрени и три бронзени награди, македонската агенција New Moment е апсолутен победник на фестивалот за адвертајзинг “Пиран Идеа”, што се одржа од 27 до 29 август, во Словенија.

Освен видео спотот “Калуѓерки” изработен за клиентот Космофон, кој беше прогласен за најдобра ТВ-реклама на фестивалот, во конкуренција на водечките маркетинг агенции од 18 земји од Централна и Источна Европа, New Moment победи и во категориите најдобар принт и најиновативен нов медиум.

Воедно македонската агенција New Moment е прогласена за најуспешна агенција во Централа и Источна Европа, во рамките на маркетиншката мрежа Young & Rubicam, дел најголемата светска комуникац

иска групација WPP.

-Не постојат многу области во животот, каде мала и сиромашна земја како Македонија, може да ги победи гигантите како Русија, Украина, Чешка, Унгарија, Полска..Само во креативните индустрии, малите земји како нашата, имаат шанса за рамноправен натпревар со богатите и големите. Знам дека ова ќе внесе дополнителен оптимизам и самодоверба кај тимот од нашата агенција-изјави Сашо Пешев, директорот на New Moment.

Во Пиран, New Moment ја освои својата педесетта интернационална награда, со што го потврди статусот на маѓународно најнаградувана агенција во Македонија.

Велија за независноста на Македонија

2008-08-29T10:41:00.005+02:00

На претходниот пост добив коментар кој избега од темата, но сосема оправдано отвори нова дискусија. Одговорив на барањето на Anonymous со коментар кој сега станува пост:
Anonymous said...

..drugarce... daj komentar za se ona sto se slucuva na A1... od ekstremno "inteligentnite"prilozi na devojkata koja se javuva od Ohrid, ustvari, tetkata koja se javuva od Ohrid, do se ona sto go pravi Velija kako kampanja za 8 septemvri...glej do kaj stigna drzavicevo...torbulinjata da rabotat na nacionalnite cuvstva za nas makedoncite...e bratce, za toa pisi...; 28, август 2008 23:12
Големата слика said...: Девојката - известувач од Охрид нема да ја коментирам, зошто такви ги има милион и би заглавил со ругање новинари ако почнам така ...
А за кампањата на Велија... сосема оправданa и, би рекол, потребнa...
"Торбулињата" се прилично лојални граѓани на оваа држава и не гледам зошто не треба да реализираат кампањи кои ја зајакнуваат вербата во сопствената држава. За орв пат некој се обидува во ТВ спотови да ги прикаже сите успеси на Македонија, од 1991 до денес. Сигурен сум дека за некои не сме ни знаеле. Да, успесите се малку на број, ама ние треба да ги промовираме и да ни служат како примери. А тоа што нив ги промовира Велија, во време кога другите се зафатени со поинакви ТВ спотови, е само околност која е позитивна. Замислете да немаше кој да ни сумира што сме направиле откако сме независни ...
: 29, август 2008 10:40

12 лекторски грешки во 5 реченици

2008-08-19T16:20:00.002+02:00

Промоција на новата веб страна на Нова Македонија преку линкување до интересна вест објавена тука.

Слободни денови за правење деца

2008-07-28T17:14:00.004+02:00

Деновиве се актуелни бенефициите кои се утврдија за мајките со трето или четврто дете.
Во потрага по искуства од другите земји, најатрактивна ми се виде бенефицијата на Москва која го воведува 12ти септември како "неработен ден за правење деца".

Кај нас, државата конечно ја аргументираше својата кампања за семејство, реализирана под слоганот "Имај трето дете".

Повеќето потенцијални мајки коментираа дека не планираат да имаат трето дете додека државата не им обезбеди бенефиции. Сега се знае дека секоја мајка што ќе најде работа на три или повеќе вакви мечиња, ќе добие бенефиции.

Еве ги бенефициите:
http://www.sobranie.mk/uploads/dokumenti/Predlog%20na%20Zakon%20izmeni%20i%20dpolnuvanje%20ZSZ%20juli%202008%20sob.doc

Мајката што ќе роди четврто дете, ќе има право на 50 отсто од просечната пензија и да нема доволно пензиски стаж по навршување на 62 години, предвидуваат измените на Законот за социјалната заштита, усвоени во петокот попладне.
За раѓање второ дете државата ќе исплаќа 30 отсто од просечната плата во траење од девет месеци, а за трето дете - 50 отсто во траење од 10 години. Најмногу ќе добиваат мајките што ќе родат четврто дете - дури 70 отсто од просечната плата, и тоа во наредните 15 години.

Го заебал новинарот...

2008-07-24T17:15:00.000+02:00

Директорот на новата сала "Борис Трајковски" на препаметен начин одговорил на новинарско прашање "Зошто пред салата се вее знаме со сонцето од Вергина?"... да не речам, го заебал новинарот...

Директорот на ДООЕЛ "Борис Трајковски" Борис Змејковски вели дека знамето со сонцето од Вергина се вее пред салата исто како што пред еден автосалон се вее знамето кое е заштитен знак на автомобилите

Да не дознаев дека ваква е логиката уште ќе си мислев дека влечеме корени од Александар Македонски.

Радован

2008-07-23T16:27:00.000+02:00

http://www.dragandabic.com/

Слободни умови во Грција?!

2008-07-21T16:36:00.000+02:00

Грчкиот Елефтеротипија објавил мислење на извесен Пандио Ал. Ираклидис, професор по меѓународни односи на државниот универзитет кој тврди дека Грција треба да престане да ја “забива главата во песок“ и да тврди, дека славомакедонците не постојат.
Професоров се одважил да пренесе дел од своето мислење и при тоа се гледа дека внимавал, нарекувајќи не славомакедонци ... http://netpress.com.mk/vest.asp?id=35524&kategorija=1

Се прашувам, има ли слободни умови во Грција? Ако ги има, зошто не се гласни, зошто не соработуваат со слободните македонски умови? Дали можеби слободоумноста во Грција и Македонија е ретка појава, па шансите за среќавање и интеракција се минимални?
На ова ме тера да мислам и еден личен пример кога пред неколку години јас и моите пријатели се обидувавме да најдеме млади дебатери од Грција кои ќе дојдат кај нас и заедно ќе дискутираме за разликите околу нашето име.
Не успеавме, а луѓето кои ги контактиравме ни рекоа дека темата е премногу сензитивна, дека степенот на национализам кај нив е на високо ниво и дека треба да помине време ... Времето помина, ама во меѓувреме национализмот порасна и на двете страни ...

Медиумска субкултура - МТВ и Мирка втори по гледаност!

2008-07-18T10:35:00.000+02:00

Вчера, 17 јули, во полноќните часови на МТВ повторно се расприкажаа новинарката Мирка и шоументот Слободан Томиќ, во емисијата "Гласот на народот". Познавајќи ги какви се и двајцата, веројатно сте уверени дека тоа е само една невредна емисија која никој не ја гледа и е последниот прозивод кој МТВ го емитува во етер пред официјално да се самораспуштат.

Но, само што дознав дека токму Гласот на народот, во моментот на нејзино емитување во живо, била втора по гледаност од сите национални телевизии. Или поточно, во 24:30 часот 75000 граѓани не спиеле и гледале МТВ.
Каква ли свест се гради кај нашиот народ ако 75000 граѓани гледале како Томиќ ја с`ска Мирка да плука по се што не е Груевски, како Мирка нас`скана држи мионолози и како едвај се вклучуваат 3 гледачи.

А емисијава демек дозволувала да се слуша Гласот на народот. Тешко нас ако Мирка е нашиот глас.

А за содржината на муабетот срам ми е да пишувам... најчесто употребуваните фрази беа: политички банди, шпиони, неспособни, јадачи на алва, дилетанти, странци кои не разбираат ништо ...
Требаше да го чуете последниот гледач кој на гостинката и се обрати со зборовите: "Огромен поздрав до нашата златна новинарка која ете, успева да ни ги отвори очите"... за на крај Томиќ да се одјави со следнава изјава:
"Не сакам да звучам како Кенеди, но размислете и пред да ја прашувате власта прашајте се себеси што сте направиле за сопственото семејство..."

Ајде да го опишам и студиото: На стол седи чудна, дебелка црна жена, што личи на маж. Позади незе сив ѕид со дупки, а десно од неа ЛЦД плазма со некакви транс-визуелизации. Под плазамата се гледа штекерот каде е приклучена...

Што планира МТВ? Што планира Министерството за транспорт и врски со МТВ? Јавниот сервис, кој по природа на нештата е провладин, овој пат си дозволува да гази се што не е владино и при тоа како алатки и авторитети ги користи преплашениот Томиќ и излитената Мирка. А тој, Томиќ, толку се труди да биде допадлив на власта, што делува како да му се заканиле со бесилка ако не го прави тоа ...

Добредојдов...

2008-07-17T14:21:00.000+02:00

Си посакувам добредојде во blogspot платформата... Пробав да си креирам блог на blog.com.mk, но порталот има некој интерен проблем... Ако брзо не си го решат, сигурен сум дека ќе има се повеќе како мене ...

Ова е тест-пост со цел да се најавам и да ги најавам содржините кои ќе бидат објавени на овој блог. Имено, на блогот ќе следат информации и дискусии за: граѓанскиот концепт, критичкото размислување, отворените умови, државните интереси, комуникациите, односите со јавност и секако, големата слика ...